السلام عليكم
بس حابب وضح كم شغلة ليلي خايف من شي اسمو اوسبيلدنغ وانو في رياضيات وفيزيا ومن هل حكي ........
اول الشي البداية انا اسمي بلال مقيم في بريمن عمري 22 سنة عم اعمل دورة تأهلية للاوسبيدنغ مدتها 6 شهور (ميكانيك سيارات) وعم روح شهر عشغل و3 جمع عالمعهد المكينيك
اول شغلي انا معي شهادة بكلوريا ادبي ومعلوماتي بالرياضيات والفيزيا زفت وحكي العالم دمرني انو مكينيك بدو رياضيات بدو فيزيا لازم تكون فهلوي لازم تكون عبقري ومن هل حكي اللي كلو مجرد وهم بوهم حسب ما اكتشفت.
طبعا مارح احكي عن العملي لان الكل بيعرفو شغل وتصليح سيارات وتغير زيت ودواليب ومن هل حكي بس رح احكي عن النظري اللي كل العالم عم تخاف منو
ياجماعة انا بصفي في 31 شخص وانا الوحيد بيناتن الاجنبي والباقي كلو خلقانين بالالمانيا يعني لغتهم توووووب وانا لو لغتي توب لكنت جبت الاول عالمعهد كلو بس للاسف اللغة ماعم تساعدني ومع انو بالرياضيات والفيزيا مو زيادي بس رغم هيك بجيب الاول شلون بس؟؟؟ ها ها هلق هون السؤال ؟؟
الرياضيات والفيزيا هنن اسهل وابيخ شي بالمواد لانن عبارة عن معادلاة من الدرجة التالتي او التاني وعن مسائل والكل هون اللي ناوي يدخل مكنيك اكيد بكون معو بكلوريا ومخلص التاسع وهدول من التاسع اذا مانك متذكرهم افتح عاليوتيوب شغلة وتدرب عليهم شغلة جمعة بتكون بصمتهم وعلقو بمخك يعني محدا ياكل همن كتير .
هلق مننتقل للمرحلة التاني وللي هيي اللغة..........اللغة كمان شغلتها بسيطة جدا جدا اكيد اللي بدو يعمل اوسبيلدونغ رح يكون معاه اقل شي B1 ....هلق مانها مهمي الشهادة المهم اكتر انك تفهم عالدكتور شو عم يشرح وتقدر تاخد وتعطي معو .....طيب شلون بدي اخد واعطي معو وانا مامعي مصطلحات بالمكنيك ؟؟؟؟؟؟رح قلك شلون انت اول سنة رح او نص سنة رح تتعذب شوي بعدي بتهون الامور بس شلون بدها تهون؟؟؟؟؟انت هون عم تروح 21 يوم عالمدرسة وشهر عالشغل هلق الشغل شغل والمدرسة مدرسة انت بالمدرسة المطلوب منك تعملو تمسك قلم ودفتر واي كلمة غريبي بتسمعها بتكتبها ومعلش لو تكون غلط بتسئل رفيقك اللي حدك بصححلك ياها .....هلق هون بس ترجع عالبيت شو رح تكون وظيفتك؟؟؟؟رح تكون كالتالي: تعليم الكلمات الغريبي عليك اللي كاتبهم عالدفتر وعلى الكتاب وترجمتهم وبعدها قراءة النص مرة تاني بصوت عالي للاستيعاب النص وفهم المطلوب وهييييييييك كل يوم بقل عدد الكلمات عندك اللي لازم تحفظهم لحد السنة او النص سنة هون عات معد في داعي تدرس كتير لانو نحنا كالسوريين منحفظ ومنستوعب اكتر من الالمان فرح تكون عندك الاوسبيلدونغ متل شربة المي مع شوي دراسي باليوم شغلة ساعتين او 3 هادا المطلوب منك وفي حال الواحد عمل هيك انا بضمنلو الاول عالمدرسة لانو الالمان مدللين شوي فالمنهاج عندن عليهن صعب بس علينا والله سهل ........انا احيانن بكون قاعد حد رفيقي بيجي بسبسب وبقول لعما شو هادا والله صعب لعما شلون بدي ادرس هادا لعما لعما .......الخ
وبس ارجع عالبيت انا وترجم المكتوب اي جيب واحد صف رابع من عنا بيعرف اكتر منو بس هنن منعنعين شوي (طبعا مو الكل) وهادي هيي كل سيرة الاوسبسلدونغ من رايي لاتخلي كلام الناس يدمرك متل ما دمرني بل بداية ..
اسف طولت عليكن بس حبيت احكي هل كم كلمة ليلي خايف من الاوسبيلدنغ والسلام عليكم ورحمة الله .....بالتوفيق
نصائج جدا مهمة لمن يرغب بدخول تدريب مهني اوسبيلدونغ بالمكانيك بألمانيا
4/
5
Oleh
Ismaael Almstafa
1 التعليقات:
إلى التعليقاتشكرا كتير ولله عطيني حافذ من اول وجديد
رد