1- اذا كانت المحطة بعيدة عليك ولازم تروح بالباص او القطار اعمل حسابك دائما تكون بالمحطة قبل ب20 دقيقة من الرحلة.. لأن عالأغلب الباص رح يتأخر وتروح عليك الرحلة!
2- لما بدك تقطع تذكرة لشي مدينة حاول قدر الإمكان تقلل عدد تبديلات القطار "Umsteigen" حتى لو على حساب طول مدة الرحلة
3- في حال ما لقيت بديل ولازم الرحلة يكون فيها تبديلات.. تأكد انو يكون في بين كل تبديل والتاني أقل شي 20 دقيقة.. لأن احتمال انو يتأخر أحد القطارات أكتر من 80% .. واذا تأخر القطار رح يروح عليك الي بعده وتدخل ببهدلة دراماتيكية (متل الدومينو!) وساعتها رح تنبسط كتير!
4- خلي عينك على لوحة الإعلانات.. لأن على الأغلب رح يصير تعديل.. إما تأخير أو رح يتغير مكان القطار أو بكل بساطة رح يقلك fällt aus! (يعني القطار حرد وبطّل يسافر متل ما صار معي هلأ ^____^ )
خلاصة الأمر صديقي العزيز.. انسى كلشي سمعته من الشقيري - الله يسامحه! - عن موضوع دقة المواعيد واحترام الوقت وال Pünktlichkeit عند الألمان.. لأن هالشي ما بيتطبق إلا عليك.. لما إنت تتأخر على شي موعد بتتبهدل.. بس اذا العكس صار أكتر شي ممكن تسمعه "Entschuldigen Sie!"
#انتشولديغونغ_بعينك
#يشعر_بالضياع
#شونة_رايزة ^______^
نصائح هامة للقادمين الجدد إلى ألمانيا العزيزة فيما يخص وسائل النقل (عن تجارب شخصية!) :
4/
5
Oleh
Ismaael Almstafa
